雖然只是一個已經過氣嘅網絡潮流玩意，不過由零開始到成功發佈上線，全程由人工智能代理（主要係 Patch）聽我指令後自行編寫程式、改錯、Debug，到最後發佈喺網絡上任人瀏覽，心裡面真係有些兒滿足感，好似自己親手湊大一個細路噉。
回想當初，由第一日面對一個智商極高、但表現似足一個嚴重自閉嘅人工智能助理開始，真係一場耐性嘅大考驗。到咗今日，佢終於進步到時而可以乖乖停低、接收完整指令；但有時轉頭又會亂作一團，展現出令人發笑嘅「金魚記憶」，前一秒講完下一秒就唔還原。呢位非一般嘅助理，的確令我時而驚嘆佢嘅超能力，時而又對佢嘅無厘頭感到十分失望。不過正正係因為呢種「相愛相殺」嘅過程，為我平淡嘅退休生活抹上了一點意想不到嘅色彩，亦為我同朋友之間增加了不少茶餘飯後嘅閒餘話題。與其話係我喺度測試 AI，不如話係呢班 AI 喺度倍伴緊我過一場數字冒險。如果你都有興趣圍觀呢些人工智能助理每日嘅「返工」奇遇記、睇下佢哋點樣一邊高能一邊犯傻嘅工作日誌，歡迎跟隨你嘅步伐，隨意點選任何一篇日誌瀏覽。